Nostalgia numpak dokar meng Srowot Kalibagor

270920140732051412382725_thumbRika kepengin jalan-jalan nampak dokar, kambi nostalgia? Pengalaman kiye bisa dicoba…

Jaman siki pancen wis dadi keumuman: numpak motor wis biasa, numpak mobil wis biasa… tapi numpak dokar? kaya-kayane tembe luar biasa, rasane beda.

Pancen siki dokar wis langka ora saben dalan ana. Tapi nek arep ming Desa Srowot, Kecamatan Kalibagor, bisa bae numpak dokar. Mulai bae sekang Pasar Banyumas nang kana tempat mangkale tukang dokar sing tujuane maring Srowot.

Kali SerayuKelewihane nek numpak dokar jelas lewih santai, bisa lewih menikmati pemandangan sing diliwati. Metu kang komplek pasar langsung ndeleng jembatan Kali Serayu, nek siki akeh prau wong mancing nang sekatan jembatan Kali Serayu.

Diterusna mulai mlebu dalan desa tambah akeh pemandangane. Ya esih ana Kali Serayu, tanduran nang kebon karo sawah utawa pemandangan wong lagi kerja liane.

Mulane nek urung tau utawa pengin nostalgia ya numpak dokar bae, lewih santai pikirane lewih seger. Moga-moga senajan siki wis akeh mobil lan motor mbesuk tetep esih ana dokar, sebab seliane kanggo transportasi ya kena denggo rekreasi.

Dodol Handuk Srowot Banyumas
Dodol Gandul Srowot Banyumas

Ayuh pada numpak dokar maring Srowot.. neng kana bisa tuku dodol gandul. Dodol gandul? iya dodol utawa jenang sing digawe sekang buah gandul (pepaya). Ana uga rempeyek kacang sing gurih kemriuk khas desa Srowot, sing ‘legendaris’… (BNC/sumber: web desa srowot)

Be the first to comment

Leave a Reply

Alamat email Anda tidak akan dipublikasikan.


*


This site uses Akismet to reduce spam. Learn how your comment data is processed.