Video ‘ngapak’ Marya Isma wis ditonton ping 120 ewu (tembe rong dina di-upload)

marya isma cilacapKyeh … sedulur tlatah Banyumasan atawa wong Banyumas sing basane nganggo basa panginyongan, kiye toli lagi populer bocah wadon sing asale sekang Cilacap sing arane Marya Isma. Bocah ayu kiye deweke dadi TKW ning negara Taiwan, merga ngaplod video nanggo basa Banyumasan (ana sing ngarani basa Ngapak) lan nembang (nyanyi) lagu dangdut “Menunggu” ciptaane Rhoma Irama, siki dadi ramai ning dunia maya alias internet.

Awit diaplod tanggal 28 Juli 2015, nganti tanggal 30 Juli (aliase tembe rong dina) wis ditonton dening 120 ewu wong. Jan… toli marem pisan mbok?

Sadurunge nembang lagu dangdut karo iringan gitar dewek, Marya Isma ngomong nganggo basa Ngapak kaya kiye:

“Assalamu’alaikum warahmatullahi wabarakatuh, ketemu maning karo Marya Isma bocah Cilacap ora ngapak ora kepenak. Nyong arep nanyi karo ninine.. kiye ninine nyong. Ni… ninine nyong umure wolungpuluh pitu (87) taun, ndina-ndina ya kaya kiye deklak-dekluk, disetelne tivi ya percuma tivine nonton ninine..

Ana sing takon Isma jane ning Taiwan kerjane ngapa ya deneng santai temen.. ndina-ndina jare gaweane upload video karo nyanyi-nyanyi, ya pegaweane nyong ya pada karo liyane, dadi babu, babune wong Cina… wayahe kerja ya kerja wayahe masak masak, wayahe santé ya santé mbok.. masa kerja terus, masa ublek-ublek nang pedangan terus… ya melasi mbok.

Toli kepengin santé, wayahe santé ya kaya kiye karo santé njagong-njagong.. kepenak mbok.. Alhamdulillah kepenak. Nyong siki arep nyanyi lagu dangdut, tapi nyong anu ora bisa nyanyi lagu dangdut sabenereta … ora bisa cengkok, aja diwadani ya…

Arep diwadani ya ora papa sih.. sakarepe panjenengan kabeh lah… ya wis siki nyong arep nyanyi…”.

Terjemahan Bahasa Indonesia-nya :

“Assalamu’alaikum warahmatullahi wabarakatuh. Ketemu lagi dengan saya Marya Isma anak Cilacap Tidak Ngapak Tidak Enak. Saya mau bernyanyi dengan nenek. Ini nenek saya. Nek … Nenek saya usianya delapan puluh tujuh (87) tahun, setiap hari ya seperti ini, duduk-duduk saja. Disetelkan televisi ya percuma saja, televisinya yang menonton nenek. Ada yang bertanya, sebenarnya Isma di Taiwan kerjanya apa sih. Kok santai banget… sehari-hari pekerjaannnya upload video dan bernyanyi. Pekerjaan saya ya sama dengan yang lain. Jadi pembantu, pembantunya orang Cina. Saatnya kerja ya kerja, saatnya memasak ya memasak. Saatnya santai ya santai saja. Kan (wajar) ingin santai, saatnya santai ya seperti ini duduk-duduk. Enak kan? Alhamdulullah enak (nyaman). Saya sekarang mau bernyanyi lagu dangdut. Tapi saya sebenarnya tidak bisa bernyanyi lagu dangdut. Tidak bisa cengkok, jangan diejek ya.

Mau diejek ya tidak mengapa sih … Terserah Anda semua. Sudah ya sekarang saya mau bernyanyi … “

marya isma karo ninineRika pada pengin weruh video-ne? bukak bae facebook-e Marya Isma toli ana nang kono video-ne. Kejaba video lagu “Menunggu” ana uga video lagu liyane, kaya lagune Geisha sing judule “Lumpuhkanlah Ingatanku” sing ditembangna Marya Isma duet karo kancane. Nah ning lagune Geisha kiye, bakat nyanyi Marya Isma pancen katon. Nyatane Marya Isma bisa nyanyi suara loro (suara dua) maen banget koh… suarane madan abot (kandel), tapi empuk hehehe…

Pokoke kena nggo hiburan lur… Marya Isma nduwe laman Facebook sing pengikute wis nganti 42.999. Akeh ya? Coba bae sih golet lewat youtube atawa langsung klik tautan ning ngisor kiye:

https://www.youtube.com/watch?v=eTDx8mcwqGA

Marya Isma uga pinter nyinden lho, kiye videone :

Wah selamat kanggo Marya Isma, siki wis dadi ‘artis dadakan’, dikenal dening atusan ewu wong, malah jutaan ndean. (BNC/ist/foto/video: facebook)

Be the first to comment

Leave a Reply

Alamat email Anda tidak akan dipublikasikan.


*


This site uses Akismet to reduce spam. Learn how your comment data is processed.