Balik maning maring ‘jaman batu’

serayu stone depanGyeh siki toli lagi mangsan watu akik atawa batu akik, kerene jare gemstone. Jarene Budi Ireng jaman siki kuwe wis ‘balik maning maring jaman batu‘. Maksude siki akeh wong pada kesengsem karo anggon-anggon sing diarani watu akik. Ana sing dinggo ali-ali, bandul kalung, gelang, uga kanggo wong wadon watu akik dinggo hiasan bross (basa Banyumasane bross sih apa yah… he3).

Lha ning Purakerta (Purwokerto) pedagang atawa sing dodolan watu akik, sing biasane lemprakan ning trotoar pinggir dalan Soedirman, siki ditempatna ning nggon sing luwih temata, luwih kepenak, tur iyup atawa kauban. Angger panas ora patia semelet, angger udan ya ora teles kaudanan, lha wong panggonane ana aub-aube alias ana atape.

Kuwe sing diarani shelter batu akik lan barang antik, sing nggone ning Jalan Jenderal Soedirman, kulon prapatan Pasar Wage, kira-kira 100 meteran. Pokoke angger rika ngerti toko roti GO, ya kuwe persis ngarepe toko roti GO. Kae tulisane gede: Serayu Stone Purwokerto.

Dumeh lagi demam watu akik, ning kono kuwe awit esuk nganti sore, jan… ramene poll…. ana sing nggolet watu sing wis dadi perhiasan, watu sing esih bahan, ana uga sing arep kongkon gawe cincin atawa liontin. Tegese nggawa bahan sing umah atawa watu mentah (enggane ana watu mateng apa yah… terus nek mateng teyeng dipangan? wakakakak), digawa menyang shelter, terus dikongkona kon digawe cincin atawa liontin. Angger mung arep nggolet emban-embanan atawa ali-ali ya ana ning kene.

Lha sing didol watu jenis apa bae? Pirang-pirang broh… Ana watu Klawing Purbalingga, watu Lukulo Kebumen, watu sekang Pacitan, watu sekang Garut, watu sekan Aceh, lha wis pokoke jenis watu apa baen ana. Sog takon bae karo sing dasaran ning kono. Regane priwe mas broh? Jenenge hoby atawa kesenengan, bab rega kuwe kadang-kadang ora mesthi. Ana watu sing ujare rika ora maen, tapi ujare nyong maen, ya mesthine inyong wani ngregani luwih larang tinimbang rika. Iya mbok? Tapi soal rega ya ngana takon bae. Ader takon ora bakal diseneni. Nek seneng ya dinyang, ader anyang-anyangan rega ya olih.

Seliyane watu akik, kuwe nang Serayu Stone Purwokerto uga ana barang-barang antik, seumpama keris, duit kuna, lan liya-liyane. Pokoke pepek jipek.

Ya wis mayuh nganah…

Koleksi barang antik yang dijajakan (@puadhasan)
Koleksi barang antik yang dijajakan (@puadhasan)

Be the first to comment

Leave a Reply

Alamat email Anda tidak akan dipublikasikan.


*


This site uses Akismet to reduce spam. Learn how your comment data is processed.