Cilacap = Madinah Munawwaroh

basa ngapakBanyumasNews.Com – Mbuh kepriwe, wong nek nganggo merek luar negeri koh keton sangar yah, dulur-dulur. Klambine produk luar negeri dadine tambah nggaya. Kerjane nang luar negeri rasane dadane luwih amba. Sekolaeh nang luar negeri dadi tambah gede rumangsa. Ya kaya guwe lah, padahal sih ora mesti sing kang luar negeri luwih apik tinimbang sekang dalam negeri.

Ngomong-ngomong produk luar negeri, aku nek kenalan nang forum-forum tertentu uga sering ngaku lahiran luar negeri. Biasane aku ngakune lahiran Madinah Munawwaroh. Sontak bae, wong-wong pada gumun, wooww,, lahiran luar negeri.. padahal aku asli lairan Bangsari, Bantarsari, Cilacap.

Bar guwe tek terangna, bahwa “Madinah” nang bahasa Indonesia diartekna dadi “kota”, nek “munawwaroh” diartekna “bercahaya”. Nah, dulur-dulur, ngerti ora sing dijuluki kota bercahaya? ya kotane dewek, yaiku Cilacap. Mbasa kaya guwe, wong-wong gari pada gemuyu hahaha…ana-ana bae !

Dadi aku sering pamer aring wong-wong, padahal anu guyonan, bahwa Madinah nang ndunya giye ana loro, siji nang Saudi Arabia, siji maning nang Indonesia. Sing nang Saudi jenenge Madinah temenan, sing nang Indonesia anu Madinah terjemahan.

Ayuh pada ndadekna kotane dewek kota sing bener-bener bercahaya. Bercahaya lahir wujud akeh lapangan kerja, bercahaya batin wujud tentreme ati lan pengamalan akhlak mulia. (Ahmad Hujaj Nurrohim pada 16 November 2012; dimuat di bloggercilacap.com)

Be the first to comment

Leave a Reply

Alamat email Anda tidak akan dipublikasikan.


*


This site uses Akismet to reduce spam. Learn how your comment data is processed.