Saur Lawuh Tempe, Mutah Mie Ayam Bakso | Humor Banyumasan

Guyon ngapak Serial Wasjud alias Kang Ajud kiye wis mlebu pertengahan sasi pasa Ramadhan.

Kurang luwih jam siji awan, Wasjud tembe balik sekang Pasar Wage. Ora tau-taune Wasjud ngeluh meriang, lara ngawak.

Kaya biasane, Si Dul anak lanange deprentah kon ngidek-idek geger (gigir, punggung). Mergane lagi ora bongbong, Si Dul gole ngidek geger keliwat rosa .. madan karo nesu. Ngek! Saking rosane, hingga Wasjud mutah!!

Howeek… howeekkk… howeekkk….

Si Dul langsung panik, gageyan loncat, terus mriksa utahe bapake ..

“Hahhh??”

Si Dul kaget weruh utahe bapake…

“Bapake… ‘kan lagi saur mau mbengi mangane oseng kangkung karo gorengan tempe. Bisane bapake mutah metune mie ayam karo baksooooo?,” jare Si Dul mbari gemuyu ngekek.

Kekek.. kekek… kekekk …

“Brisik Dul !!! Merad manaaa…!!! Tek brengkolang mengko kowe yah!!!”

Si Dul terus mlayu metu mbari ngomel-ngomel.

“Dasar bapa Ajud gejud…!! mBledos puasanee..!”.

*) Dekarang dening Faizin, guru Madrasah di Sirampog.

 

Be the first to comment

Leave a Reply

Alamat email Anda tidak akan dipublikasikan.


*


This site uses Akismet to reduce spam. Learn how your comment data is processed.