Isin Karo Maling

Ditulis 26 Mei 2017 - 00:22 oleh Banyumas1

Serial cerita ngapak alias humor Bangumasan Kang Ajud alias Wasjud muncul maning kiye …

“Wong lanang koh kecing!! bancii!! goblogggg!! Wis genah malinge ning arep mata koh malah dijor!! tak bethot sisan!!!”

Lurahe lagi gregeten karo Wasjud, sementara Wasjud mung ndempes bae ning pojok aula bale desa.

“Kan wis tek modali penthungan!! kanggo menthung maling supaya malinge kapok. Bisane ana maling masup ning umahe dewek, kowe koh malah umpetan? Dasar penakut!!”, jare Lurahe mbari nuding-nuding Wasjud.

Ora let suwe, Wasjud mulai buka suara …

“Maap Pak Lurah, inyong umpetan ora merga wedi karo maling”, jawabe Wasjud kayong isin merga ditonton wong sa bale desa.

“Terus … Bisane kowe umpetan, apa alesane!!”, Pak Lurah tambah gethet.

“Inyong umpetan merga inyong isin karo malinge..”, jawabe Wasjud alon.

“Hahhhh..!!!”, Lurahe kaget ngrungu jawabane Wasjud.

“Bisane kowe isin karo maling?!”

“Yaa.., sebabe ning umahe inyong langka barang sing berharga. Inyong isin kaweruhan inyong wong mlarat, inyong wong ora duwe apa-apa”, jawabe Wasjud pasrah tur memelas.

Huwahahaha… hahahaa…. wong sa bale desa pada gemuyu gemerah… Jud.. Jud… kayong ‘nyufi’ nemen yah. (*)

*) dikarang dening Faizin, guru Madrasah Karangbenda Buniwah Sirampog

Tentang Penulis

Leave A Response