Bojone Rika Edan Awit Kapan? | Guyon Banyumasan Isu Culik

Ditulis 28 Mar 2017 - 17:24 oleh Banyumas1

Serial cerita Banyumasan atawa cerita ngapak Wasjud alias Kang Ajud, edisi kiye ana kaitane karo isu culik. Ya.. isu penculikan anak sing gawe geger nasional, termasuk ning Banyumas.

Yahhh … penculikan anak dadi gegere nasional. Warga pada resah, terutama ibu-ibu. Maklum karena ibu-ibu tah ngrasakna waktu nglairna anake dengan susah payah. Beda karo bapak-bapake, setuju…???

Wasjud pengin banget nangkep penculik, supaya dijuluki pahlawan. Carane?

Bengi-bengi bojone dipajang ning pinggir dalan, nggo mancing penculik. Wasjud dewek umpetan karo ngintip, sewaktu-waktu penculik beraksi, Wasjud langsung sigap nangkep!

Sawise telung jam nunggu, bener ana mobil warna ireng mandeg persis ning arepe bojone. Ana wong lanang telu sing mudun medeki (merek) maring bojone Wasjud. Ambegane Wasjud mulai kenceng… dah dig dug, dag dig dug. ‘Nah kiye kesempatan nangkep penculik’, batine Wasjud.

Tapi ora suwe mobil terus lunga maning. Wasjud herann?? Wasjud narik nafas panjang … hahhh…

‘hahhh??? bisane ora diculik?’, omonge Wasjud ning atine.

Akhire Wasjud metu sing panggonan umpetane, terus mereki bojone.

“Bapa Ajud, bisane penculike ora doyan inyong? kyeh nyonge malah dinei amplop. Isine duit ndean”, ujare bojone Ajud mbari ngulungna amplope.

“Hah?? amplop? coba dibuka ya..?”, jarene Wasjud mbari ngulungna lampu senter maring bojone kanggo madangi amplop sing arep dibuka.

“Hahhhhhh!!!”, wong loro kosih kompak. “Langka duite? Mung ana tulisan, coba diwaca tulisane”, jaluke bojone maring Ajud.

‘TERLALU TUA, ORGANE ORA LAKU NING PASARAN, NESIH LARANG REGANE BODOLAN KARDUS’

“Kamprettt….”, jerene Wasjud emosi maca tulisan kuwe, tur kecewa karna gagal rencanane nagkep penculik.

Tapi dudu Ajud angger putus asa. Ajud nesih duwe akal cadangan.

Bojone diprentah kon nganggo klambi merah putih, terus rambute dikepang loro, supaya mirip anak SD. Hahaha…

Bengi-bengi dipajang maning ning pinggir dalan. Kedadian pada bae karo sing wingi bengi. Culike ora gelem nggawa bojone, malah nei amplop maning sing ana tulisane.

“Tulisane apa bapa Ajud ?”, takone bojone mbari nyorot nganggo senter.

“Kyeh tulisane .. ‘BOJONE RIKA EDAN AWIT KAPAN, JUD?'”

Hhhhh…. !!! bojone Wasjud terus mewek tersinggung, nangis nggowar-nggower…

“Bapa Ajud, penculike kudu ditangkep, kudu! Inyong pengin nggiles sampe mletet!!!”

Wasjud terus narik napas panjangggg…

“Inyong kayong kenal model tulisan kiye?”

“Hahhh… terus tulisane sapa kuwe???”, bojone penasaran.

“Kayonge tah tulisane Lik Ruri karo Tuhin!!!”

Kekek… kekekek… kekekkkk……

(Ruri karo Tuhin kuwe mungkin tanggane Ajud yah …he3).

*) Ditulis oleh Jijing Faizin seorang guru Madrasah di Buniwah Sirampog. Gambar hiasan thok.

Tentang Penulis

Leave A Response