Kiye Ramalane Kang Ajud Ning Taun Ayam | Dopokan Banyumasan

Ditulis 28 Jan 2017 - 20:00 oleh Banyumas1

Cerita Banyumasan taun baru Imlek.

“Gongsipatcoooyy….koh Limmm”, jere Wasjud, akrab diceluk Ajud, jog koh Lim sing duwe toko obat.

Karuan bae koh Lim langsung sumringah weruh Wasjud teka ning tokone. Maklum wis akrab. Koh Lim wis kenal suwe karo Wasjud, pelanggan setia toko obate.

“Oh Kang Ajud, kebetulan nih, angpao sudah oey siapken. Khusus buat Kang Ajud, hehehe heheh.. tunggu sebental yaa..”, omonge koh Lim terus mlebu jog jero toko.

Ora let suwe koh Lim balik, “Nih angpao.. sudah ada tulisannya, Khusus Kang Ajud, heheh hehehe..”.

angpao – ilustrasi

Koh Lim ngulungna amplop abang madan kandel. Wasjud semangat nemen nrima amplop abang kuwe.

“Waduuhh.. mkasih koh…”, jare Wasjud karo mesem-mesem.

“Eh koh, ngomong-ngomong… ini tahun kethek apa taun celeng yaa…?”, takone Ajud.

“Ini taun ayam Juudd…”, jawabe koh Lim mbari mberesi dagangan obate.

Terus koh Lim ngomong maning, “Kang Ajud, tolong ditelawang yaa… di taun ayam ini, kila-kila… akan ada kejadian apa?”

“Beres koh, tapi amplop mohon ditambahi yaa…”

Dasar Wasjud, ditakoni kaya kuwe ndadak nganyang.

“Okehh beles laahhh.. nih oey kasih empat lagi. Tapi tulung, jangan dopok kaya taun kemalen yaaa…”

Wasjud telus melem matane… Eh wasjud terus merem matane, jentike diangkat ning nduwur ndase, terus alon-alon mudun… muduunn… sampe dada. Matane Ajud mulai terbuka… melek…. tapi raine ciut… sediihhh…

“Hah ! kenapa laine Kang Ajud sedihh? Emangnya akan ada apa Jud?”, takone koh Lim penasaran.

“Akan banyak terjadi perbuatan asusila koh….”, jawabe Ajud lirih.

“Maksudnya apa Kang Ajuuudd?”, koh Lim kepo nemen.

“Gini koh, ini kan taun ayam, jadi nanti akan banyak perempuan ngendog. ngeenn—dog. Tapi tidak ada jagonya.”

Huahahahaha … hauahahahah.. hueheheheh.. hueheheh………

Ngrungu jawabane Ajud, koh Lim ngguyu sampae njiplong-njiplong ning arep etalase. Wasjud terus ndolos metu ninggalna koh Lim gemuyu dewekan, apa maning gemuyune mbari melem, eh merem, dadi ora weruh Wasjud lunga …

*) oleh Jijing Faizin, Guru Madrasah di Buniwah Sirampog Brebes

Tunggu ya serial Kang Ajud liyane.

Tentang Penulis

Leave A Response