Kongres Bahasa Panginyongan 25-27 Oktober 2016

Ditulis 06 Okt 2016 - 00:33 oleh Banyumas1

Kongres bahasa panginyonganBanyumasNews.com, PURWOKERTO -Sampean esih nganggo bahasa panginyongan saben ngobrol karo wong liya? Anak-anake sampean pada ngerti basa panginyongan atawa basa ngapak?

Komunikasi sedina-dina ning umahe sampean wis nganggo Bahasa Indonesia?

Angger wis jarang nganggo basa panginyongan kuwe tandane basa panginyongan mulai kesingkir. Apa maning angger ketemu kanca ning njaba desane dewek, ning Jakarta contone, arep ngomong basa panginyongan krasa isin atawa wedi diaruh-aruhi wong liya… wah cilaka temenan kuwe.

Nah rupane para ahli basa panginyongan pada prihatin, pada watir angger basa panginyongan bakal ora denggo maning nggo omong-omongan sedina-dinane tumprape wong Banyumas, Purbalingga, Banjarnegara, Cilacap, Kebumen, Brebes, Tegal, Pemalang, kanti Wonosobo.

Mulane arep dianakna Kongres Bahasa Panginyongan I, Banyumas dadi tuan runsh mbesuk tanggal 25-27 Oktober 2016. Kongres arep ditekani dening bakal 100 pentholan atawa tokoh budayawan, seniman lan pemerhati bahasa. Kongres dipusatna ning Kampung Agro Karang Penginyongan.

Jare seniman Padhepokan Cowongsewu, Titut Edi Purwanto, sing arep teka ning Kongres 100 tokoh, ningan ora arep dibatesi jumlah pesertane.

Kongres bahasa Panginyongan tempate ning Kampung Agro, desa Karangtengah, Kecamatan Cilongok, Kabupaten Banyumas.

Tentang Penulis

Leave A Response