Dewek kiye (Indonesia) negara sing paling disayang Gusti Allah

Ditulis 06 Agu 2016 - 16:31 oleh Banyumas1

new york city (nyt)Cerita Banyumasan. Ning sawijineng pengajian pondok pesantren, ana jama’ah takon maring kyaine kaya kiye:

“Menawi ningali negara-negara teng luar, ketingale langkung maju lan langkung makmur nggih Pak Kyai. Teng mriku ‘kan mboten  wonten ulama, ugi mboten nglakoake agama Islam sedinten-dintenipun. Miturut Pak Kyai pripun niku?”

Pak Kyai balik takon, “Contone negara sing luwih maju timbang awake dewek kuwe negara endi?”

“Amerika pak kyai”

“Amerika sing luwih maju apane?”

Jama’ah pada gemuyu kabeh.

Pak kyai nglanjutna jawabane:

“Tek kandani ya, nang Amerika kuwe kelas professor HP-ne Nokia lawas. Nek awake dewea tukang batu wis duwe smartphone. Aku ora ngerti Amerika kok diarani luwih maju kuwe apane. Daya beli mereka rendah. Mereka gajinya besar tapi barang mahal. Nang kene ora duwe gaji wis pada wani rabi (kawin-red).

Indonesia daya belinya dahsyat. Angger ora percaya njajal nang Singapura. Nek ana toko sing blanja wong Indonesia, regane diundakna. Nang Mekkah, nang Vietnam, awake dewek blanja mesti regane diundakna, soale sing duwe toko nganggep kabeh wong Indonesia sugih. Amerika apane sing luwih maju?

Nang jepang ora bisa unggal wong biasa tuku motor. Nang kene modal 500 ewu motor diter-terna tekan umah. Nang Jepang ya kowe angel golet kanca karo tangga, apa maning nek warna kulitmu warnane beda. Nang kene sangger esih apal Pancasila, kuwe kancmu kabeh, kuwe  sedulurmu kabeh. Apane sing luwih maju?

Nang kene kowe nonton Liga Inggris, Liga Spanyol, Liga Champion sakarepmu dewek.  Nang Inggris kowe kudu mbayar, malah ana sing inden nganti telung wulan mung arep nonton bal-balan. Kaya kuwe luwih maju?

Kowe nang Malaysia, nang Vietnam, nang Thailand, jajal nginep nang hotel apa losmen. Jam rolas mbengi kowe jajal metu, nggolet mie rebus, nggolet udud, nggolet kopi. Ora ana, , jam malam wis pada tutup kabeh, ora olih wong pada metu. Nang kene sak wayah-wayah ana wong dodol. Apane sing luwih maju?

Ning Purwwokerto kene ana pirang macem sambel? Saben warung beda.  Panganane ya macem-macem, nganti mumet ndasmu anggone mikir. Nang Eropa kana, sekang pucuk lor Norwegia tekang pucuk kidul Spanyol badogane pada bae. Kaya kuwe luwih maju?

Nang China, kowe gawe anak oleh mung siji thok. Punjul sekang  siji kowe dicekel diinterogasi pemerintah. Nang kene umah bae esih ngontrak, pendak dina gawe anak. Ngendi negara sing luwih maju?

Seluruh dunia, yang bisa mensyukuri keberadaan daun pisang mung wong Jawa. Godong gedang bisa dadi pincuk, taqin, dadi suru, dadi lontong, lemper. Di saat negara lain berlomba membuat produk bungkus makanan ramah lingkungan, wong Jawa wis awit jaman kuna wis nggawe produk kuwe.

Ning luar negeri langka biting. Anane mung staples. Lah ujar-ujare gawe biting kuwe gampang. Mbiyen butuh atusan tahun nggo nemokna biting. Saiki gampang mung  gari niru. Mung sekang biting bae wis dadi industry besar. Negara ngendi sing luwih maju?

Awake dewek kiye negara sing paling disayang Gusti Allah, ora usah minder. Kemajuan mereka hanya kemajuan semu.”

Nah….

Tentang Penulis

Leave A Response