Nyolong koh bis, nyolong korek bae konangan

Ditulis 17 Mei 2016 - 13:49 oleh Banyumas1

Awit dina Sabtu (14/5/16) geger bis Sinar Jaya sing lagi diparkir ning terminal Wangon ilang. Ana sing geger ilange bis trayek Wangon – Jakarta kuwe misterius. Soale jare perwakilan PO Sinar Jaya, bise dikunci pintune, setire uga dikunci. Ora nalar nek nganti ilang.

Ning Facebook rame. Geger bis Sinar Jaya sing arep muat penumpang maring Jakarta ilang. Lha ora tau-taune ana bis segede semana bisa ilang. “Nggondole ngganggo karung gedene sapira?”, jare salah siji netizen ning facebook. Hehehe…

Screenshot_2016-05-17-13-20-41Dina Senin wingi (16/5/16) ana kabar bise ketemu ning daerah wisata Guci, Bumijawa, Tegal. Jare polisi demuat neng detik, sing nyolong bis wong loro, kabeh pekerjaane supir. Monine polisi wong loro kuwe olih pesenan bis.”Lha pesen loh bis yah, nek niat tuku bis gari meng diler mbok… ana-ana bae”, ujare Slamet ngobrol neng pos satpam perumahan.

Berita bis Sinar Jaya sing ilang wis ketemu semebar neng medsos. Akeh komen sing mreguyokna koh. Contone, “Nyolong koh bis, nyolong korek be konangan” .

“Karunge sapira gedene sing nggo madahi bis?”

Ujare rika priwe sedulur? wkwkwkwk…

 

 

Tentang Penulis

Leave A Response