Kenang Apa Isin Ngomong Banyumasan?

Ditulis 20 Agu 2009 - 12:08 oleh Sista BNC

Gara-gara TV, basa banyumasan koh dadi kaya bahasane wong ndesa, ketinggalan jaman karo ngisin-isini. Ning tambah gede aku dadi ngerti nek urip pancen kaya kuwe. Diawali sekang pelawak sing nganggo basa banyumasan nggo bahan lawakan, jelas gampang banget wong ora butuh materi sing angel-angel nggo ndagel, cukup ngomong nganggo dialek banyumasan terus kabeh se indonesia pada ngguyu.

Pancen ana pelawak sing njajal nganggo dialek seliyane banyumasan nggo dasar lawakane.
Misale batak, manado, ambon tapi langka sing bisa ngalahna kekuwatan dialek banyumasan nggo bahan lawakan.

Sing ora disadari ya generasi enom dadi pada isin ngomong nganggo basa banyumasan. Nek ora percaya jajal rika tiliki baen neng kene. mangkane angger aku bali neng banyumas aku sering kaget cah-cah enom sing dandanane kaya artis-artis (ning kuwalitas murahan) trus angger ngomong nganggo “gue-elu” padahal saben ndinane palingan ya mangan sega karo tempe…

Bangsane dewek pancen rasis, selama dewek tetep nganggep lucu wong sing beda sekang adewek. Tapi apa pancen kaya kuwe lumrahe menungsa ya?

Alah Embuh! Entut Mburut!!! Priwe Jajal?

(Dari blog banyumasan http://mendoan.dagdigdug.com/2008/03/03/kenang-apa-isin-ngomong-banyumasan/)

Tentang Penulis

& Komentar so far. Feel free to join this conversation.

  1. Jatmiko Wicaksono 16/02/2014 pukul 00:17 -

    Ngapurane sedulur, basane awake dewek kue basa Banyumasan (Banyumas) basa sing adi luhung tumprap wong Banyumas. Basa sing pada duwure karo basa liyan-liyane, nanging mayuh pada de pahami kasunyatan kabeh mau wis mulai luntur. Basane dewek diarani NGAPAK sing tegese pelecehan malah de senengi karo bocah nom-nom, jere neng kana-kana sering de tanggap kon ngomong NGAPAK nggo geguyon. Mayuh sedulur Banyumas gagean tangi aja isin ngomong Banyumasan aja gelem de NGAPAK-NGAPAK, kue sing marakena ilang Banyumasane sing blakasuta lan ngetokena gambaran ala se ala alaning basa Banyumasan

    Lawan Ngapak Junjung Banyumasan
    http://www.banjoemas.com (Blog sejarah Banyumas Raya)

  2. OemahCengloe 19/06/2010 pukul 16:49 -

    lha nek siki malah ora lumprah maning koh. wis ngganggo basa “loe-gue” tapi isih bae ngapake katon. gumue ya ora isin. wis kaya kuwe, anu jebule ora teyeng ngapa2. gayane thok sing selangit lha….

  3. wilotix parakan deog 09/12/2009 pukul 10:52 -

    laah ari ngomang tah apa baen sing penting bisa aweh ngerti mring wong sing budeg nganti bisa krungu bisu sing bisu nganti bisa ngomong.

  4. Ramdhani 08/12/2009 pukul 11:14 -

    panceeen…wong banyumas aja isin isin ngomong banyumas…ilat ilate dewek..sing penting omongane mandan kena di rungokna..aja asal mangap…ocre??? klilan…..

  5. eko 13/10/2009 pukul 15:03 -

    kadune mah angger ngrasa wong banyumas ya ora susah isin2 ngomong banyumas, kaya aku urip neng jakarta ya neng umah ngomonge mbanyumasan bae sekalian maraih bpjo sebabe bojoku wong solo tapi laire jakarta. salam mbanyumasan bae yah kanggo kabean sadulur sadulur sing ning banyumas lan ning endi bae wasalam

  6. Koderi 09/10/2009 pukul 09:49 -

    Angger ngaku wong Banyumas koh isin ngomong Banyumasan kuwe keliru. Kudune mongkog dadi wong Banyumas. Ora si lagi ngetungi pahala. Banyumas kuwe gudange Jenderal. Inyong tau nyathet neng buku Wong Banyumasan, ora kurang sekang 74 jenderal patang angkatan sekang Banyumas. Sing durung dicathet tesih akeh. Ana Kapolri, Kasad, Kasal, Ksau, Pahlawan Nasional 6, menteri 12, pejabat tinggi ngadhug, rektor, ilmuwan, pendidik, budayawan, ekonom, wis pokoke ngadhug banget. Angger ora percaya rika pada maca bukune inyong judule “Wong Banyumasan, Kiprah dan Karyanya” penerbite Purbadi Publisher. Isine pepek ,ana 260 lewih tokoh sekang Banyumas. Inyong uga tau nulis Kamus Banyumasan, mbok padha kelalen kambi basane dhewek. Mayuh padha diuri-uri basane dhewek. Angger dudu inyong rika sapa?

  7. sumarno W 30/09/2009 pukul 14:04 -

    Lah ya maklum kang, sanajan nyong ya prihatin tp wong genah anu ngikuti perkembangan jaman dadi akeh wong tuwa sing ora (urung) ngajarna basa mBanyumasan, malah siki pada nganggo basa endonesia tp dialek khas mBanyumas, termasuk keponakanku ya kaya kuwe, pas tek takoni jere anu wis umum.
    lah mangga para guru utamana wong tuwa, ayu pada nguri-uri basa mbanyumasana, aja ditinggalna, mbok engko-kone anak putune dewek pada blajar basa mBanyumas maring landa, isin mbok?
    paren, matur nuwun

  8. sh.santoso 21/09/2009 pukul 08:29 -

    sampurasun,kang,pada-maca komen2 nduwur ,inyong dadi pkepengin melu mblegketepekan-rika komenne pada bener kabeh,inyong bangga pisan warah-karo sing esih padagelem njekakak ala mbanyumasan-poma2 aja pada isin neng ngendi baen – nyapa mbanyumasan ya..lha wong basanne biyung dewek ko isin ngucapna toli gawe geget pisan,ya pora kang.?..aja kaya kue ,nawin.!.aring wong pangkat baen teg sapa basanne dewek-nek nyong ngerti-kae wongnge dewek…wis ya,pamit,kelilan,disit-garep ngotel maning kiye ana muatan…

  9. tarman 13/09/2009 pukul 10:56 -

    Tapi sing lewih aneh aku tau duwe pengalaman nang PWT th 2007(pas mudik critane),aku dolanan maring PWT nang kana takon simpang srimaya..(nyong kan wong PBG dadi ra ngerti nggone) karo basa “ngapak” Eeehh..malah di semauri nganggo basa indonesia..tapi neng nyong tek jek ngomong ngapak terus soale nyong penasaran sapangerti pancen dudu wong banyumas ,tapi jebule nyambung berarti ya asli wong banyumas..Lha kan aneh… nang daerah banyumas bae wong wis ora gelem ngomog basa ngapak..terus sapa maning sing arep nguri uri basa banyumasan, nek wonge dhewek bae isin ngomog ngapak..??

  10. Raden Pucuk Pinus 09/09/2009 pukul 20:36 -

    bahasa paling unik sedunia, nyong sih gelem ngomong tapi nek pada wong banyumas…coz nek karo wong liya y ora ngerti ndean he…..
    i love u full……….bahasa enyong!!

  11. Bawor Malacanang 05/09/2009 pukul 21:50 -

    Ngantek angkatan metu Banyumas mid 90-an (biasane lulus SMA), teksih mblekuthuk ilate. Seseorang sing growing up di lingkungan Banyumasan pada fase pembentukan aksen (biasane lahir ngantek SMP), niscaya cengkok mblekuthuk-e ora bakal ilang.
    Bar kuwe, biasane wis kena pengaruh akeh, dan mulai “isin” ngomong Banyumasan. Soale teksih pada ngenger, durung olih cekelan sing mantep. Setelah mandan mapan, justru “Arus Balik” timbul, yaitu nostalgia jaman ganu sing salah sijine ngomong pengiyongan. Inyong pribadi (dan akeh kanca dolanku liyane), justru bangga banget ngomong Banyumasan, even neng ngarep umum dan neng luar daerah (malah luar negeri). Contone, siki akeh kumpulan ex Banyumas/Purwokerto origin sing tetep nguri-nguri kabudayan-e (at least aksen omongane). Misal-e Esmadudelima, dengan Kang Fadhil sing dadi Ketuane, nek lagi ngumpul neng tempat umum, bahkan di luar Purwokerto, bahasa pengantare selalu Banyumas-an dan dadi tontonan wong. Mereka cuwek dan malah bangga justru diserokna ngguli ngomong Banyumasan.
    Dengan pengaruh global sing semakin akeh, kudune Pemda Banyumas (dan Bralingmascakeb), kudu wani gawe muatan lokal bahasa Banyumas-an. Inyong kelingan ganu juga ana pelajaran bahasa daerah, tapi nganggo dasar Surakarta, padahal sejen.

  12. nuida 04/09/2009 pukul 22:37 -

    Sukur esih ana sing ngomong banyumasan… paling ora ning blog kiye… eh mbok diklaim ding malaysia toli cilaka… hi…hi…hi…

  13. Muhamad Fadhil 04/09/2009 pukul 20:57 -

    Ngomong ngomong basa Banyumasan, Gemiyen aku dong cilik sekitar tahun 82 ngasi 85 ( pas SMA ) angger arep bada bartrawehan seneng nongkrong nang setasiunPurwokerto kambi ngrungokna sedulur sing tembe bali sekang jakarta ( mudik ) nganggo sepur, omongane lucu2 pisan marakna cengengesan dewek, contone : ” jangan lewat situ nanti kakinya belok..”, ” Apatadi nggak papagan”, ” Lha tadi kan uangnya sepuluhribu malah jujulnya belum dikasih koh..” nyenengi ya para sedulur aku sing lagi nang paran dadi kangen suasana sing kaya kue.

  14. Rikun 04/09/2009 pukul 15:35 -

    Aku mah ora isin ngomong bahasane dewek ya kuwe basa banyumasan ngapa isin, asal usul dewek sukang banyumas kudune bangga malah nduwe basa sing unuik lan menarik kaya kuwe…….
    aku wong baturraden………

  15. agus piyik 03/09/2009 pukul 11:06 -

    Halah agep ngomong apa…. nggugah budaya Banyumas?…. ora aku pesimis….. akeh wong banyumas sing pada dadi pejabat utawa priyayi agung neng kota-kota gede pada ora kena nggo panutan…… akeh sing pada sombong tur bebeh diarani wong banyumas…. nek ngomong gayane bandekan……. apa ora cilaka sedulur?…..
    Conto kae wong minang, wong ambon, wong batak…. pada bangga maring asal usule…. ngomong genah logate…. pada gelem tulung marang sanak parane…
    Mbok Banyumas kiye akeh Jendral, akeh menteri, akeh dirjen, akeh pengusaha sing pada sukses… mendi buktine mbangun desa Banyumas? rakyate pada cileren dijorna baen…..

  16. salim slamet kadireja 03/09/2009 pukul 10:13 -

    Kepiwe-piwe kudu di sukuri lan di urip-uripe basa ngapak versi banyumas. Soale iku ya termasuk salah sijine karuniane Gusti Alloh..Bukti akeh sing basa ngapak dadi dalan pangan ..

  17. kalibagor 03/09/2009 pukul 08:51 -

    Angger ora siiii… jyannn….. jyann…..

  18. nakim 02/09/2009 pukul 10:56 -

    pancen bocah siki ora kaya jaman gemien, dolanane ya wis beda sih…ganu jonjang, sunda manda, umbul, uthit, lyy….siki cekelane henpon jyan pada gemagus pancen,… nyong sing neng perantoan padahal angger lagi ngobrol karo wong banyumas jan ilate ora bisa nganggo basa lia…sing jelas banyumas mblekuthuk, mbangkane neng sebelah batirku ana wong sing udu sekang banymas, jan ilatku kuwe kaya ana swite bisa pindah otomatis…angger ngomong karo bocah dudu banyumas, ya ora nganggo basa banyumas tapi otomatis angger ngomong karo bocah banyumas jan langung ganti dhewek……

  19. masandry 31/08/2009 pukul 22:45 -

    genah pada kemaki, sok keminter, ngganggo bahasase dhewek be padha gengsi. Kudune sebagai wong Banyumas yang bangga nganggo basa Banyumasan …ngapak baelah nang endi bae ….

  20. siton 31/08/2009 pukul 16:19 -

    pacen iya … kususe wong banyumasan sing isih enom2, cilacap, pwk, banyumas,kroya karo liya2ne,gemagus2, gensi, nek nang luar kota pertama ya … takon nganggo bhs Indonesia bareng ngerti wong banyumasan ya .. tek ajak nganggo bhs banyumasan .. tapi sing akehe pada gensi … apa maning sing nembe maring kota gede .. pakaiane rubah bhsane rubah … lu gua cari2 malah cempulek di sini …
    pokoke ora kompak lah …

  21. irfanerz 26/08/2009 pukul 23:28 -

    hahaha… mung maca be lucu yah kang??.. ya pancen bener koh yakin, ngapak baelah, toli kepenak ngawak haha :)

  22. indra 22/08/2009 pukul 09:43 -

    cocog pisan kuwe bang fadhil
    inyong setubuh lah karo njenengan…

  23. Muhamad Fadhil 21/08/2009 pukul 20:40 -

    Bener kang pancen kudu digugah maning semangat cinta basa banyumasan, lha wong aku angger ngomong banyumasan diguyu wong malah bangga lan tak mdhok medhokna sisan guli ngapak ngapak, apa maning angger dewek wong banyumas teyeng ngode kanti pinter lan bener, sing sok nganggep remeh basa banyumasan malah dadi hormat. Cocog malecog mbok????

Leave A Response