Geguritan Fajar ‘Doyok’ Praptono

Neng Ngarep Lawang Ati

fAJAR

Kayong wis ora etungan

Merga banget akehe pitakonan

Sing wis ngebeki pikiran

Sing wis gawe sesek ambekan

Ngantek umur merek sandhekala

Nesih urung ngerti koplak ngendi sing

Teyeng nentremna ati

O Allah Gusti…….

Kenging napa kucing lair wis metu brengose

Coro sing ora tau adus tetep meling

Sewetara iwak sing adus nggal dina

Ambune ya ajeg amis

Mbangkan….kethek, sing ora tau sikatan

Deneng untune malahen lewih putih

Tinimbang untu menungsa

Ningen kula percaya lan ngandel

Nek Gusti Allah tetep paring

Kawelasan lan eman aring kabeh umate

Mbuh kuwe sing lair wis brengosen

Sing ora tau adus

Sing ambune amis

Lan sing ora tau sikatan

Kabeh padha deparingi jodho

Padha ulung – ulungan tresna….

Sekang jendhela senthong

Tek sawang wulan neng langit glegas – gleges

Weruh nggarangan lagi dhemenan

Sewetara inyong mung teyeng nglegeg

Neng ngarep lawang atine Muniroh

Merga kangelan goli mbukak

2 Comments

Leave a Reply

Alamat email Anda tidak akan dipublikasikan.


*


This site uses Akismet to reduce spam. Learn how your comment data is processed.